โรงงานไฟฟ้าโซลาร์เซลล์ลอยน้ำ

โรงงานไฟฟ้าโซลาร์เซลล์ลอยน้ำ

องค์กรบริหารจัดการน้ำแห่งชาติสิงคโปร์ร่วมมือกับบริษัทเอกชนพัฒนาโรงงานไฟฟ้าโซลาร์เซลล์ลอยน้ำผลิตกระแสไฟฟ้าจากแสงอาทิตย์ขนาดใหญ่มากที่สุดแห่งหนึ่งของโลกโดยมีขนาดพื้นที่เท่ากับ 45 สนามฟุตบอลบริเวณอ่างเก็บน้ำเทงก้า (Tengeh) ทางทิศตะวันตกของเกาะสิงคโปร์มีกำลังการผลิตกระแสไฟฟ้ามากกว่า 60 เมกะวัตต์ เพื่อสร้างความมั่นคงด้านพลังงานไฟฟ้าให้กับประเทศ
.
โรงงานไฟฟ้าโซลาร์เซลล์ลอยน้ำแห่งนี้ใช้เทคโนโลยีใหม่ล่าสุดควบคุมการทำงานด้วยระบบคอมพิวเตอร์ระบบความปลอดภัยผ่านทางกล้องวงจรปิดและเซนเซอร์ตรวจจับความร้อนติดตามการทำงานอย่างใกล้ชิด หากเกิดข้อผิดพลาดในขั้นตอนการผลิตกระแสไฟฟ้าระบบพร้อมแจ้งเตือนไปยังเจ้าหน้าที่เพื่อปรับปรุงแก้ไขผ่านทางแอปพลิเคชันบนสมาร์ทโฟน
.
โครงสร้างรองรับแผงโซลาร์เซลล์สร้างจากพอลิเอทิลีนความหนาแน่นสูง (HDPE) มีความทนทานสูงต่อความร้อนจากแสงแดดรังสี UV ในขณะเดียวกันก็สามารถลอยตัวบนผิวน้ำทนทานต่อการกัดกร่อนจากน้ำ ผู้ผลิตยืนยันว่าจะสามารถใช้งานโครงสร้างดังกล่าวได้อย่างน้อย 25 ปี นอกจากนี้แผงโซลาร์เซลล์ก็ได้รับการออกแบบให้ทนทานต่อสภาพความชื้นในอากาศได้เป็นอย่างดีตามสภาพอากาศของประเทศสิงคโปร์ที่ตั้งอยู่ในเขตภูมิอากาศร้อนชื้น
.
เนื่องจากสิงคโปร์เป็นประเทศที่มีพื้นที่และแหล่งทรัพยากรที่จำกัดทำให้การผลิตกระแสไฟฟ้าแบบโซลาร์เซลล์ลอยน้ำบนผิวน้ำเป็นตัวเลือกที่มีความเหมาะสมรวมไปถึงเป็นวิธีการผลิตกระแสไฟฟ้าที่เป็นมิตรกับสิ่งแวดล้อมและไม่เป็นการรบกวนธรรมชาติเนื่องจากบริเวณอ่างเก็บน้ำเทงก้า (Tengeh) รัฐบาลสิงคโปร์ได้ใช้เป็นพื้นที่บำบัดน้ำเสียจากตัวเมืองก่อนปล่อยลงทะเลอยู่แล้ว
.
หากการสร้างฟาร์มโซลาร์เซลล์ลอยน้ำเป็นไปตามแผนการที่วางเอาไว้ รัฐบาลสิงคโปร์เตรียมเปิดใช้งานโรงไฟฟ้าแห่งนี้ภายในปี พ.ศ. 2564 และจะกลายเป็นโรงงานไฟฟ้าโซลาร์เซลล์ลอยน้ำขนาดใหญ่มากที่สุดแห่งหนึ่งของโลกมีกำลังการผลิตกระแสไฟฟ้าชดเชยความต้องการภายในประเทศได้ 7% ของความต้องการใช้พลังงานไฟฟ้าทั้งหมด นับเป็นการใช้งบประมาณอย่างคุ้มค่าในการสร้างเสถียรภาพด้านพลังงานไฟฟ้าให้กับประเทศ

Cr:ภาพ

internet

.

ວັດໄຊຍະຣາມ ບ້ານນາຫນອງຜື

ວັດໄຊຍະຣາມ ບ້ານນາຫນອງຜື

• ເມືອງ ໄຊບູລີ
• ແຂວງ ສະຫວັນນະເຂດ
• photo by :Nongsy nanthasan

ວັດສີຊົມຊື່ນອະຣຸນະຣາມ ບ້ານນາຊາຍ ເມືອງອຸທຸມພອນ ແຂວງສະຫວັນນະເຂດ

ວັດສີຊົມຊື່ນອະຣຸນະຣາມ ບ້ານນາຊາຍ ເມືອງອຸທຸມພອນ ແຂວງສະຫວັນນະເຂດ

Cr:

ຂໍ້ມູນໂດຍ: https://www.facebook.com/LaoTemple ຮູບພາບ : ລາວ Temple ຖ້າທ່ານໃດຕ້ອງການຮູບພາບ ເພື່ອຈະເອົາໄປນໍາໃຊ້ສາມາດຕິດຕໍ່ພົວພັນທິມງານ ລາວTemple ໄດ້ທີ່ E-mail : laotemples@gmail.com #ລາວTemple

ພຣະທາຕຸຕຸມພະວັງ

ບຸນນະມັດສະການ ພຣະທາຕຸຕຸມພະວັງ ປະຈຳປີ 2020

ພຣະທາຕຸຕຸມພະວັງ ປະດິດສະຖານຢູ່ ວັດບ້ານນາວາງໃຫ່ຍ ເມືອງໜອງບົກ ແຂວງຄຳມ່ວນ ຫ່າງຈາກຕົວເທດສະບານເມືອງທ່າແຂກ ໄປທາງໃຕ້ລຽບທາງແຄມຂອງປະມານ 27 ກິໂລແມັດ ເຊິ່ງວັດບ້ານນາວາງແມ່ນຕັ້ງຢູ່ຕິດແຄມນ້ຳເຊບັ້ງໄຟ.

ທຸກໆປີຂອງບຸນເຂົ້າຈີ່ ເດືອນສາມເພັງ ບຸນມາຄະບູຊາ ຊາວບ້ານຊາວເມືອງ ຈະເຕົ້າໂຮມກັນເຮັດບຸນນະມັດສະການພຣະທາຕຸຕຸມພະວັງ ແຫ່ງນີ້ ພ້ອມກັບບຸນນະມັດສະການພຣະທາຕຸສີໂຄດຕະບອງ (ຄຳມ່ວນ) , ພຣະທາຕຸພະນົມ ( ຈັງຫວັດນະຄອນພະນົມ) , ພຣະທາຕຸໂຜ່ນ (ສະຫວັນນະເຂດ) , ທາຕຸນາງລາວ ( ສະຫວັນນະເຂດ) , ທາຕຸນາດູ່ ( ສາລະວັນ) ແລະຜາສາດຫິນວັດພູຈຳປາສັກ

ທາດຕູມພະວັງ ” ເຊິ່ງມີຄວາມໝາຍວ່າ: “ສະພາບທີຊົງໄວ້” ໃນອົງພຣະທາຕຸຕຸມພະວັງ ນີ້ແມ່ນມີ “ອັດຖິ” ຂອງພຣະອໍຣະຫັນຕະທາຕຸຢູ່ 4 ອົງ , ( 3 ອົງ=ໜ່ວຍຫມາກທັນ ສີຂາວໆ, ອີກອົງຫນຶ່ງ=ເມັດສາລີ )

ນອກນັ້ນຝຸ່ນອັດຖິທາຕຸຢູ່ໃນອູບຄຳນັ້ນອີກດ້ວຍ ນອກນີ້ຍັງມີພຸດທະຮູບທີສິ່ງສັກສິດ ທີ່ຢູ່ໃນອົງທາຕຸແຫ່ງນີ້ຫຼາຍໆຢ່າງ

ເມື່ອກ່ອນນີ້ພຣະທາດຕູມພະວັງ ຕັ້ງຢູ່ໃນຂົງເຂດ ອານາຈັກສີໂຄດຕະບອງ ແຫ່ງທຳອິດ ທີ່ຕັ້ງຢູ່ຫ່າງຈາກປາກແມ່ນ້ຳເຊບັ້ງໄຟ ປະມານ 15 ກີໂລແມັດ ໃນເຂດ ບ້ານສະດືແລະບ້ານຫນອງເຮືອທອງ ໃນບໍດົນມານີ້ມີການຂຸດພົບ ວັດຖຸມີຄ່າສະໄຫມຕັ້ງອານາຈັກສີໂຄດຕະບອງ ແລະສິ່ງທີ່ຍັງຫລົງເຫລືອຢູ່ກໍ ແມ່ນດີນຈີ່ ແລະສິ່ງເສດເຫລືອເລັກນ້ອຍ ແຕ່ຫນ້າເສຍດາຍພາກສວ່ນທີ່ກ່ຽວຂ້ອງ ກັບລະເລີຍຍ້ອນຂາດແຫລ່ງທຶນຫລື ຄວາມຮູ້ວິຊາການ ໃນການປົກປັກຮັກສາ ມູນມໍລະດົກອັນດີງາມແນວນີ້ໄວ້. ສ່ວນພຣະທາຕຸຕູມພະວັງ ຕັ້ງຫຍັບຂຶ້ນມາຈາກ ອານາຈັກສີໂຄດຕະບອງ ບໍເຖິງ 10 ກິໂລແມັດ ບາງເທື່ອອາດແມ່ນສ້າງສະໄຫມດຽວກັນ ຍ້ອນວ່າ ຕັ້ງຢູ່ໃກ້ກັບພຣະທາຕຸພະນົມ ບໍເຖິງ 10 ກີໂລແມັດ

ຕາມຄວາມເຊື່ອ ໃນສະໄຫມແຕ່ກ່ອນນັ້ນແມ່ນມີ ຜູ້ທີ່ນຳເອົາ ອັດຖິທາຕຸ-ອໍຣະຫັນຕະທາຕຸມາ ( ອັດຖິທາຕຸສ່ວນຫົວອົກຂອງພຣະສັມມາສັມພຸທທະເຈົ້າ ມາປະ ດິດສະຖານຕັ້ງໄວ້ທີ່ ພູກຳພ້າ ປັດຈຸບັນນີ້ເອີ້ນວ່າ: “ພຣະທາດພະນົມ” ສ່ວນອັດຖິທາຕຸຂອງພຣະອໍ6ະຫັນຕະທາຕຸ ແມ່ນເພິ່ນໄດ້ຖວາຍມອບໃຫ້ ອຸບາສົກ-ອຸບາສີກາ ຜູ້ມີສັດທາໄປຊ່ວຍສ້າງພຣະທາຕຸພະນົມໃນຄາວນັ້ນ ໃຫ້ນຳມາກໍ່ສ້າງພຣະທາຕຸກວາມໄວ້ທີ່ເຄິ່ງເມືອງຕຸມພະວັງ ເຊິ່ງປັດຈຸບັນນີ້ແມ່ນບ້ານນາວາງ ເມືອງຫນອງບົກ ແຂວງຄຳມ່ວນ

ກ່ອນສ້າງທາຕຸຕຸມພະວັງ ອົງນີ້ ຍັງມີອຸປາສົກ-ອຸປາສີກາ ຈາກຊາວບ້ານດົງເທິງ ແລະ ບ້ານດົງທ່າ, ເມືອງຄັນທະບູລີ, ແຂວງສະຫວັນນະເຂດ ໄດ້ ປ່າວເຕືອນກັນ ເພື່ອໄປຊ່ວຍສ້າງທາດພະນົມ ເມື່ອຕົກລົງປົງໃຈກັນແລ້ວ ຈຶ່ງໄດ້ພາກັນອອກຈາກບ້ານແລ້ວ ກໍ່ຢ່າງລົງມາຫາທ່າຂ້າມເຊບັ້ງໄຟມາແວ່ ເຊົາທີ່ບ້ານນາວາງ ເພື່ອເວລາຈະອອກເດີນທາງຕໍ່ໄປ ສູ່ທ​າຕຸພະນົມນັ້ນ ຈຶ່ງໄດ້ປ່າວເຕືອນ ຊັກຊວນເຖົ້າແກ່ອຸບາສົກ, ອຸບາສີກາທັງຫຼາຍໃນບ້ານນີ້ໄປ ຊ່ວຍສ້າງທາຕຸນຳພຣະຍາທັງ 5 ເມື່ອໄປເຖິງແລ້ວ ກໍ່ໄດ້ພາກັນຊ່ວຍຂົນຫີນແຮ່, ຫີນຊາຍ, ດິນໜຽວ, ປັ້ນດິນຈີ່, ເຜົາດິນຈີ່, ຂົນດິນຈີ່ ແລະ ປູນຂາວ ນ້ຳແຊ່ໜັງ, ແຊ່ຢາງໂບງ, ອອກກຳລັງກາຍຊ່ວຍສ້າງພຣະທາດພະນົມ ພໍສົມຄວນແກ່ກຳລັງເຫື່ອແຮງແລ້ວ ກໍ່ໄດ້ອຳລາພາຈາກເພື່ອນ ຝູງມິດສະຫາຍ ທີ່ມາຈາກ ສາລະທິດ ເພື່ອຊ່ວຍສ້າງພະທາດພະນົມນັ້ນ ຂ້າມຂອງຄືນເມືອເຊົາຢູ່ບ້ານນາວາງ ອັນເປັນບ່ອນເຄີຍພັກເຊົາໄປມາ.

ໃຜໄດ້ໄປຄຳມ່ວນໃນໄລຍະບຸນມາຄະບູຊາ ຢ່າລືມໄປຂາບໄຫວ້ ທັງ 3 ແຫ່ງ ຄື : ພຣະທາຕຸສີໂຄດຕະບອງ , ພຣະທາຕຸຕຸ້ມພະວັງ ແລະພຣະທາຕຸພະນົມ ເພື່ອເປັນສິຣິມຸງຄຸລແກ່ຕົນເອງ ຄອບຄົວ ເພື່ອນມິດ ແລະບ້ານເມືອງ ເພາະພຣະທາຕຸທັງສາມແມ່ນຢູ່ໃກ້ໆກັນ ໄປມາສະດວກສະບາຍ...
ຂໍ້ມູນ ແລະ ຮູບພາບໂດຍ : ທ່ານ ຫຸມເພັດ ມະນີສຸກ

Cr:
ເກັບກໍາຂໍ້ມູນ ແລະ ຮູບພາບ ໂດຍ : https://www.facebook.com/LaoTemple #ລາວTemple

ວັດສີສະເກດ “ສະຕະສະຫັສສາຣາມ”

ວັດສີສະເກດ “ສະຕະສະຫັສສາຣາມ” 

(ແປວ່າ ວັດແສນ) ນະຄອນຫລວງວຽງຈັນ

ວັດສີສະເກດ “ສະຕະສະຫັສສາຣາມ” (ແປວ່າ ວັດແສນ) ອານາຈັກລາວລ້ານຊ້າງ ໃນປີ ພສ 1896 (ຄສ 1353) 

ໄດ້ສະຖາປະນາ ເມືອງຊວາ ເປັນເມືອງເອກແຫ່ງອານາຈັກລາວລ້ານຊ້າງແລະ ໃນປີ ພສ 1900 ( ຄສ 1357 ) ໄດ້ເຕົ້າໂຮມເປັນເອກະລາດ ເອກະພາບ ອັນໜຶ່ງອັນດຽວກັນ ໃນສະໄໝລັດຊະການພຣະເຈົ້າຟ້າງຸ່ມ ຊື່ງເປັນອານາຈັກລາວລ້ານຊ້າງທີ່ກວ້າງໃຫຍ່ໄພສານ ມີຄວາມເຂັ້ມແຂງ ປະມານ 400 ກວ່າປີ,ຈົນມາຮອດໄລຍະອານາຈັກລາວລ້ານຊ້າງ ແບ່ງອອກເປັນ 3 ອານາຈັກ ໃນປີ ພສ 2250 (ຄສ 1707) ແລະພສ 2256 ( ຄສ 1713) ຄື ອານາຈັກລາວລ້ານຊ້າງວຽງຈັນ, ອານາຈັກລາວລ້ານຊ້າງຫລວງພຣະບາງ ແລະ ອານາຈັກລາວລ້ານຊ້າງຈຳປາສັກມາເຖິງ ປີ ພສ 2321

(ຄສ 1778) ສາມອານາຈັກລາວລ້ານຊ້າງ ກໍໄດ້ຖືກຮຸກຮານ ຈາກ ເຈົ້າຕາກສິນກັບແມ່ທັບເອກ ພຣະມະຫາກະສັດເສີກ (ກຸງທົນບູລີ) ແລະ ຈົນໄດ້ຕົກເປັນປະເທດສະຣາດ ຫລືວ່າຫົວເມືອງ ສ່ວຍ ຂອງກຸງຣັດຕະນະໂກສິນ 

ເຖິງປີພສ 2436 (ຄສ1893)ປະມານ 100 ກວ່າປີ. ຕອນນັ້ນ ພຣະເຈົ້າອະນຸວົງສ໌ ກໍຄືກັບຣາດຊະວົງອົງອື່ນໆ

ໂດຍສະເພາະຣາຊະວົງໃນກະສັດແຫ່ງອານາຈັກລາວລ້ານຊ້າງວຽງຈັນໄດ້ຖືກກວດຕ້ອນໄປເປັນຕົວປະກັນ

ຢູ່ກຸງທົນບູລີ.ໃນປີ ພສ 2347 (ຄສ 1804) ຣັດຊະການທີ II ຂອງກຸງຣັດຕະນະໂກສິນ ຈຳເປັນຕ້ອງຕັ້ງ 

ພຣະເຈົ້າອະນຸວົງສ໌ ໃຫ້ຄອງນະຄອນຫລວງວຽງຈັນຈັນທະບູລີສີສະຕະນາຄະນາຫຸດອຸດຕະມະລາຊະທານີ 

ອານາຈັກລາວລ້ານຊ້າງ ວຽງຈັນຕໍ່ໄປ. ພຣະເຈົ້າ ອະນຸວົງສ໌ ນັບວ່າເປັນວິຣະກະສັດ ອົງສຳຄັນໃນຣາດຊະວົງ 

ແຫ່ງອານາຈັກລາວລ້ານຊ້າງ ພຣະອົງເປັນກະສັດ ສະຫລຽວສະຫລາດ ກ້າຄິດກ້າທຳ ກ້າຕັດສິນພຣະໄທ ທັງສາຍພຣະເນດກວ້າງໄກ ພະອົງໄດ້ນຳພາໄພ່ຟ້າລາດສະດອນເຕົ້າໂຮມຄວາມສາມັກຄີສ້າງບ້ານແປງເມືອງຄືນໃໝ່ ໄດ້

ປະຕິສັງຂອນ ປູຊະນິຍະສະຖານຄືນໃໝ່ເຊັ່ນ: ພຣະທາດຫລວງ, ຫໍພຣະແກ້ວແລະໄດ້ສ້າງວັດສີສະເກດ ທີ່ມີຄວາມສຳຄັນທາງດ້ານປະຫວັດສາດ ວິວັດທະນາການ ຂອງປະຊາຊົນລາວ, ທາງດ້ານວັດທະນະທຳ ອຸດົມຄະຕິ,ຄວາມອາດສາມາດ ໃນອະດີດທີ່ຜ່ານໄປທີ່ໄດ້ສະແດງອອກທາງດ້ານ ປະຕິມາກຳສິນ,ຈິດຕະກຳສິນ ແລະອື່ນໆອີກ.ວັດສີສະເກດ ແຕ່ຊື່ທີ່ຈາລຶກໄວ້ໃນແຜ່ນສິລາວ່າ “ສະຕະສະຫັສສາຣາມ” (ແປວ່າ ວັດແສນ) ແຕ່ຄົນທັງຫລາຍເອີ້ນວ່າ “ວັດສີສະເກດ” ສ້າງຂຶ້ນ ເມື່ອປີ ພສ 2361 (ຄສ 1818) ວັດນີ້ໃນອະດີດຕັ້ງຢູ່ຕິດກັບບໍລິເວນພຣະຣາດຊະວັງຫລວງດ້ານຕາເວັນອອກ ສ່ຽງເໜືອ ແລະຕັ້ງຢູ່ດ້ານໃນກຳແພງບູຮານວຽງຈັນຊັ້ນໃນ ປັດຈຸບັນນີ້ ເບື້ອງທ່າຕິດກັບຖະໜົນສຸຸພານຸວົງ ເບື້ອງທົ່ງຕິດກັບທະນາຄານພັດທະນາອາຊີ ຫ່າງໄກຈາກແມ່ນ້ຳຂອງປະມານ 250 ແມັດ ວັດສີສະເກດນີ້

ສ້າງໄດ້ 10 ປີກໍຖືກສົງຄາມ ພຣະນັ່ງເກົ້າເຈົ້າຢູ່ຫົວ ຣັດຊະການທີ III ຂອງກຸງຣັດຕະນະໂກສິນ ເຂົ້າມາຮຸກຮານແລະ ມ້າງເພທຳລາຍ ພ້ອມກັບການທຳລາຍນະຄອນຫລວງວຽງຈັນ ແຕ່ຫລັງສົງຄາມໄດ້ຜ່ານພົ້ນໄປ ປະຊາຊົນລາວ ກໍໄດ້ຟຶ້ນຟູວັດໃຫ້ຄືນດີດັ່ງເກົ່າ ໂດຍຮັກສາຮູບລັກສະນະການກໍ່ສ້າງເດີມໄວ້ທຸກຢ່າງ.ໃນວັດສີສະເກດ ແມ່ນມີສິ່ງຢັ້ງຢືນທາງດ້ານມໍລະດົກ,ວັດທະນະທຳ ໃຫ້ຄຸນຄ່າທາງດ້ານສິລະປະ ສະຖາປັດຕະຍະກຳສິນ ປະຕິມະກຳສິນ ຈິດຕະກຳສິນ ຫລາຍຢ່າງເຊັ່ນ ກົມມະລຽນ ຫລືສາລາຈົງກົມອ້ອມຮອບທັງ 4 ທິດ ແມ່ນວັດຖຸກໍ່ສ້າງທີ່ມີເຕັກນິກທາງດ້ານ

ວິທະຍາສາດ,ຫົວຄິດປະດິດສ້າງຂອງຄົນລາວເຮົາບູຮານ ເພື່ອຮັບໃຊ້ສັງຄົມຕາມຍຸກສະໄໝ ເຊິ່ງເປັນສິລະປະແບບໃໝ່ຂອງອານາຈັກລ້ານຊ້າງວຽງຈັນ ໃນຕົ້ນສະຕະວັດທີ XIX ກົມມະລຽນ ມີຄວາມຍາວເບື້ອງລະ 55 ແມັດ ເສົາມີ 60 ຕົ້ນ ເສົາແຕ່ລະຕົ້ນຫ່າງກັນ 2.80 ແມັດ, ຫລັງຄາມຸງດ້ວຍດິນຂໍ ກົມມະລຽນ ສີ່ ດ້ານນີ້ຈະມີ ມຸກຊຶ່ງເປັນປະຕູທາງເຂົ້າທັງ ສີ່ ເບື້ອງ ສີໜ້າຂອງມຸກເຮັດດ້ວຍໄມ້ເນື້ອດີແກະສະລັກເປັນຮູບພຣະພຸດໂພທິສັດ ມີຮູບນົກ ແລະຮູບດອກໄມ້ຊະນິດຕ່າງໆ. ສະເພາະຝາຜະໜັງຂອງກົມມະລຽນ ມີຊ່ອງກຸດທີ່ເປັນຮູບໃບໂພ ມີຈຳນວນທັງໝົດ 3,420 ຊ່ອງ ແຕ່ລະຊ່ອງມີພຣະພຸດທະຮູບນ້ອຍປາງມາຣະວິໄຊ 2 ອົງທີ່ເຮັດດ້ວຍປະທາຍເພັດລວມຈຳນວນທັງໝົດມີ 6,840 ອົງທີ່ປະດິດສະຖານຢູ່ໃນຊ່ອງກຸດຂອງກົມມະລຽນ ຖ້ານລຸ່ມຕິດຝາກົມມະລຽນທັງສີ່ດ້ານ ມີພຣະພຸດທະຮູບປາງມາຣະວິໄຊ ທີ່ເຮັດດ້ວຍປະທາຍເພັດ ມີຈຳນວນ 120 ອົງ. ແຕ່ປີພ.ສ 2495-2512 (ຄ.ສ 1952-1969) ການສະສົມ ແລະທ້ອນໂຮມເອົາວັດຖຸບູຮານໄດ້ຈາກວັດເກົ່າທີ່ຖືກສົງຄາມສັກດີນາຕ່າງດ້າວເຂົ້າມາທຳລາຍມ້າງເພໃນປາງສົງຄາມກວາດລ້າງປຸ້ນສະດົມ ເມືອງວຽງຈັນ ປະຕິມະກຳ ທີ່ເຫລືອເມື່ອນັ້ນປະຊາຊົນລາວບັນດາເຜົ່າຈຶ່ງໄດ້ມີໂອກາດທ້ອນໂຮມໄວ້ຢູ່ໃນສິມ ແລະກົມມະລຽນ ເຊັ່ນ ພຣະພຸດທະຮູບທີ່ເຮັດດ້ວຍຫີນຊາຍ(ສະຕະວັດທີ 11 - 13)ສິລະປະສະໄໝຊາຍຟອງ ພຣະພຸດທະຮູບທີ່ເຮັດດ້ວຍທອງສຳລິດ (ສະຕະວັດທີ 15 - 18 ) ສິລະປະລ້ານ

ຊ້າງ,ພຣະພຸດທະຮູບ,ຫີບພຣະຄຳພີ,ຮາງຫົດສົງທີ່ເຮັດດ້ວຍ ໄມ້ (ສະຕະວັດທີ 17-19 ) ແລະສິລາຈາລຶກ ເປັນແຜ່ນຫີນສີນໍ້າຕານທີ່ມີຄວາມສຳຄັນໃຫ້ຄຸນຄ່າທາງດ້ານ ຕົວອັກສອນສາດ,ປະຫວັດສາດ ທີ່ບັນທືກວັດຖຸອຸປະກອນໃນການກໍ່ສ້າງວັດສີສະເກດ. ໃນຈຸດໃຈກາງຂອງກົມມະລຽນອ້ອມຮອບທັງສີ່ດ້ານນັ້ນ ແມ່ນທີ່ຕັ້ງຂອງສິມ ເປັນຮູບສີ່ຫລ່ຽມຍາວ ມີເນື້ອທີ່ 296,56 ຕາແມັດ (ຍາວ 25,40 ແມັດ,ກວ້າງ 15,70 ແມັດ) ຢູ່ໃນສິມມີພຣະພຸດທະຮູບອົງແສນ ເປັນພຣະປະທານ ປາງມາຣະວິໄຊ ພຣະພຸດທະຮູບອົງນີ້ຫລໍ່ຂຶ້ນໃນສະໄໝອານາຈັກລາວລ້ານຊ້າງ ຈະເລີນຮຸ່ງເຮື່ອງທັງເປັນພຣະພຸດທະຮູບທີ່ມີຄຸນຄ່າ ສຳຄັນທາງດ້ານປະຫວັດສາດ ສາສະໜາ ວັດທະນະທຳຂອງລາວ ເຮັດດ້ວຍທອງສຳລິດ (ໂລຫະປະສົມມີ ຄຳ,ເງິນ,ທອງ,ຊື່ນ) ມາຮອດໃນສະໄໝລັດຊະການພຣະເຈົ້າ ອະນຸວົງສ໌ຈຶ່ງໄດ້ສັ່ງໃຫ້

ນາຍຊ່າງເອົາປະທາຍເພັດໂອບ ປະດັບປະດາ ແລະຮູບຊົງຍັງແມ່ນແບບເດີມ ຕ່າງແຕ່ມີຂະໜາດ ໃຫຍ່ກວ່າເກົ່າ. ລຸ່ມຖ້ານຂອງພຣະເຈົ້າອົງແສນ ແມ່ນຮາວທຽນທີ່ສ້າງຂຶ້ນໃນປີ ພສ 2361 (ຄສ 1818) ມີລວງສູງ 1.88 ແມັດ,ກວ້າງ 2.10 ແມັດຮາວທຽນນີ້ແມ່ນໃຊ້ສຳລັບຕິດທຽນບູຊາ ໃນພິທີກຳທາງສາສະໜາ, ຊຶ່ງເປັນສິລະປະສະກຸນຊ່າງລາວລ້ານຊ້າງວຽງຈັນແກະສະຫລັກທີ່ໂດດເດັ່ນປານີດພິສະດານສວຍງາມໃນສະໄໝລັດຊະການພຣະເຈົ້າອະນຸວົງສ໌ ຮາວທຽນນີ້ຖືວ່າເປັນມໍລະດົກອັນລໍ້າຄ່າຂອງປະຊາຊົນລາວບັນດາເຜົ່າ ແຕ່ອະດີດຈົນເຖິງປັດຈຸບັນ ແລະ ທັງເປັນອຸປະກອນຊະນິດໜຶ່ງຊຶ່ງເປັນຫລັກຖານທາງປະຫວັດສາດ ສາສະໜາ ວັດທະນະທຳທີ່ເປັນເອກະລັກຂອງຊາດລາວໂດຍແທ້. ຮາວທຽນນີ້ຍັງເປັນປະຕິມາກຳສິນໃຫ້ຄວາມສົນໃຈຈາກນັກຄົ້ນຄວ້າ ຊາວລາວແລະ ຊາວຕ່າງປະເທດອີກດ້ວຍ. ໃນປີ ພສ 2473 (ຄ.ສ 1930) ມະຫາອຸປະລາດ (ສະເດັດເຈົ້າບຸນຄົງ) ໄດ້ໃຫ້ນາຍຊ່າງຈຳລອງຮາວທຽນແລ້ວໄດ້ເອົາໄປວາງສະແດງຢູ່ ປາຣີ (ປະເທດຝຣັ່ງເສດ) ແລະ ໂອຊາກະ (ປະເທດຍີ່ປຸ່ນ) ແລ້ວນຳມາໄວ້ຢູ່ໃນຫໍພຣະແກ້ວວຽງຈັນ ຈົນເຖິງປັດຈຸບັນນີ້. ຝາສິມທັງສີ່ເບື້ອງຈະເປັນຊ່ອງກຸດລວມທັງໝົດມີ 1,026 ຊ່ອງ ແຕ່ລະຊ່ອງກຸດ 

ບັນຈຸພຣະພຸດທະຮູບນ້ອຍ ຊ່ອງລະ 2 ອົງຮວມທັງໝົດມີຈຳນວນ 2,052 ອົງ ແລະຝາຜະໜັງຂອງສິມມີຮູບແຕ້ມໃສ່ຝາຜະໜັງເລື່ອງພື້ນເມືອງຊາດົກເລື່ອງ: ພະລະສັງຂະຫຍາຊຶ່ງຕົວລະຄອນເອກແມ່ນເຈົ້າຊາຍໂບກຂະລະພັດ ການແຕ້ມແຕ່ງນີ້ ເປັນສີມືຊ່າງຂອງນັກຈິດຕະກຳສິນລາວເຮົາໃນສະໄໝນັ້ນໄດ້ພັນລະນາເຖິງທີ່ຕັ້ງຂອງພະລາດຊະວັງ ຫໍ ໂຮງ ພຸດທະປະຫວັດຂອງພຣະພຸດທະເຈົ້າ, ການດຳລົງຊີວິດຂອງໄພ່ຟ້າລາດສະດອນ,ພາບທຳມະຊາດ. ສິມສີສະເກດ ແມ່ນສະຖານທີ່ສຳຄັນ, ສັກສິດ ປະດິດສະຖານພຣະພຸດທະຮູບປະທານ (ອົງແສນ) ພຣະພຸດທະຮູບປາງຕ່າງໆ,ວັດຖຸທີ່ສຳຄັນທີ່ຮັບໃຊ້ພິທີກຳທາງສາສາໜາ ເປັນບ່ອນປະຕິບັດສາສະນາກິດຂອງພຣະພິກຂຸສົງ ສະຖານທີ່ສູດປະຕິໂມກ ແລະໃຊ້ໃນພິທີບວດ ນອກຈາກນັ້ນ ໃນເມື່ອກ່ອນຈະໃຊ້ໃນພິທີດື່ມນໍ້າສັດຈະ ໃນການປົກຄອງບ້ານເມືອງໃນສະໄໝກ່ອນ.ສິມ ແລະກົມມະລຽນສີສະເກດ ແມ່ນສະຖາປັດຕະຍະກຳສິນລາວ ຊຶ່ງປະກອບມີ ປະຕິມະກຳສິນ,ຈິດຕະກຳສິນທີ່ເປັນຂໍ້ມູນຫລັກຖານທາງບູຮານຄະດີ ມີຄວາມສຳຄັນໃຫ້ຄຸນຄ່າທາງດ້ານປະຫວັດສາດ,ວັດທະນະທຳ ສາສະໜາ ຄວາມເຊື່ອຖືທີ່ປະຕິບັດຮີດຄອງປະເພນີ ເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າແຕ່ອາດີດຈົນເຖິງປັດຈຸບັນ ໃຫ້ຍືນຍົງຄົງຕົວກັບຊົນຊາດລາວຕະຫລອດໄປ. ຮຽບຮຽງ ແລະ ເກັບກໍາຂໍ້ມູນໂດຍ : 

Cr:

https://www.facebook.com/LaoTemple ຮູບພາບ : ລາວ Temple, https://www.facebook.com/ArtandCultureofLaos, sisaket-temple